सिन्धुपाल्चोक । नेकपा एमाले सिन्धुपाल्चोकले ११६ सदस्यीय जिल्ला कमिटी सर्वसम्मत चयन गरेको छ । नवौँ जिल्ला अधिवेशन उद्घाटन भएको झण्डै एक महिनापछि कमिटी गठन भएको हो ।
एमालेका निवर्तमान जिल्ला कमिटी सचिव कमल नेपालको अध्यक्षतामा १ सय सदस्य १६ जिल्ला कमिटी चयन गरेको एमाले पोलिटब्युरो सदस्य अरुण नेपालले बताए ।
जिल्ला कमिटीको उपाध्यक्षमा उमा प्रधान, सचिवमा रामचन्द्र बस्नेत, उपसचिवमा सुशीला पाख्रिन र चिरन तामाङ सर्वसम्मत रुपमा चयन भएका छन् । यस्तै, अध्यक्षमण्डलको तर्फबाट १६ जनालाई जिल्ला कमिटी सदस्यहरुमा मनोनीतका लागि सिफारिस गरिएको छ ।
अध्यक्षमा पाँचजनाले उमेदवारी दिएका थिए । पालिका कमिटीका १२ जना अध्यक्षहरु जिल्ला कमिटीका पदेन सदस्य हुने अध्यक्षमण्डलले जानकारी दिएको छ ।
जिल्ला कमिटीका पदाधिकारी तथा सदस्यहरुको सपथग्रहण कार्यक्रम फागुन ४ गते जिल्ला पार्टी कार्यालयमा राखिएको छ ।
