काठमाडौं । राष्ट्रिय प्रजातान्त्रिक पार्टी (राप्रपा)का अध्यक्ष राजेन्द्र लिङ्देनले राप्रपा नेपालको अध्यक्ष बनेकोमा कमल थापालाई बधाई दिएका छन् । आइतबार राप्रपा नेपालमा आवद्ध भएका थापालाई सामाजिक सञ्जालमार्फत अध्यक्ष लिङ्देनले बधाई दिएका हुन् ।
उनले थापाको आगामी दिन सुखमय बनोस् भन्ने शुभकामना पनि दिएका छन् । उनले लेखेका छन्, ‘राप्रपाका पूर्व अध्यक्ष कमल थापा निर्वाचन आयोगमा लाक्पा तामाङ संस्थापक अध्यक्ष रहेको राप्रपा नेपालको अध्यक्ष हुनुभएकोमा हार्दिक बधाई ।’
पार्टीको गत निर्वाचनमा निर्मल निवासले हस्तक्षेप गरेर आफूलाई हराएको भन्दै थापाले छानबिनको माग गर्दै आएका थिए । तर सो मागको सुनुवाइ नभएपछि उनी पार्टीबाटै अलग भएका हुन् ।
