बाजुरा । नेपाली कांग्रेस बाजुराका नेता खडकबहादुर साउँद नेकपा एमाले प्रवेश गरेका छन् ।
२०५६ सालदेखि नेपाली कांग्रेसको सक्रिय राजनीतिमा आवद्ध साउँद एमाले प्रवेश गरेका हुन् । साउँदलाई नेकपा एमालेका केन्द्रीय सदस्य लालबहादुर थापा र जिल्ला सचिव भरत थापासहितले स्वागत गरेका छन् ।
२०४८ सालमा अनेरास्ववियुको राजनीति रोजेका साउँद बीचमा नेपाली कांग्रेसको राजनीतिमा सक्रिय थिए । २०५२ सालमा अनेरास्ववियुको जिल्ला उपाध्यक्ष बनेका साउँद २०५६ सालदेखि हालसम्म कांग्रेस राजनीतिमा सक्रिय थिए ।
