काठमाडौं । प्रतिनिधिसभाको आजको बैठकमा एमसीसी अनुमोदनका लागि प्रस्ताव पेस नहुने भएको छ ।
भर्खरै सम्पन्न कार्यव्यवस्था परामर्श समितिको बैठकले तय गरेको बैठकको कार्यसूचीमा एमसीसी नपरेसँगै आजको संसद बैठकमा पेस नहुने भएको हो ।
कार्यव्यवस्थाको बैठकपछि संसद सचिवालयले जारी गरेको कार्यसूचीमा प्रधानमन्त्री शेरबहादुर देउवाले ‘थारु आयोगको तेस्रो वार्षिक प्रतिवेदन आर्थिक वर्ष २०७७/७८ पेस गर्ने र तीन सांसदको निधनप्रति शोक प्रस्ताव पारित गर्ने मात्र रहेको छ ।
कार्यव्यवस्थाको बैठक जारी रहेकै बेला प्रधानमन्त्री देउवा र माओवादी केन्द्रका अध्यक्ष प्रचण्डबीच भएको छलफलमा आजको बैठकमा एमसीसी प्रस्ताव पेस नगर्ने सहमति भएको थियो ।
