सडकमा ‘एमसीसी स्वाहा’

काठमाडौं । सत्तारुढ दल नेकपा एकीकृत समाजवादीका कार्यकर्ताले आज पनि एमसीसीको विरोधमा संसद भवन अगाडि प्रदर्शन गरेका छन् ।

एकीकृत समाजवादीको विद्यार्थी संगठन अनेरास्ववियूको नेतृत्वमा ‘एमसीसी स्वाहा’ कार्यक्रम गरिएको हो । कार्यक्रममा अनेरास्ववियू अध्यक्ष सुदेश पराजुली लगायत सहभागी छन् ।

एकीकृत समाजवादीका कार्यकर्ताले विरोधको नयाँ शैली अपनाएका छन् । उनीहरुले एमसीसीको विरोध जनाउन पूजा मण्डपजस्तो बनाएर उनीहरुले मन्त्रोच्चारण गर्दै ‘एमसीसी स्वाहा’ भन्दै होम गरेका छन् ।