काठमाडौं । अभिनेत्री करिश्मा मानन्धरले नेकपा एमालेमा प्रवेश गर्ने बताएकी छन् । एमालेका अध्यक्ष केपी शर्मा ओलीसँग भेट गरेपछि उनले यस्तो आशय व्यक्त गरेकी हुन् ।
अभिनेत्री मानन्धर बिहीबार ओलीलाई भेट्न एमाले सांसद नवराज सिलवाल र गंगा चौधरीसँग बालकोट पुगेकी थिइन् ।
एमाले अध्यक्ष ओलीसँग पार्टी प्रवेशबारे छलफल भएको उनले बताएकी छन् । भेटमा एमालेमा प्रवेश गर्नेबारे छलफल भएपनि निर्णय भने लिएकी छैनन् । तर, चाँडै आफू एमाले प्रवेश गर्ने उनको भनाइ छ ।
