काठमाडौं । नेपाली गीतसंगीत क्षेत्रमा उदाउँदो नाम हो अजय कार्की । विशेषगरी गीतको शब्द चयन र संगीत कम्पोजमा आफूलाई स्थापित गर्नेक्रममा रहेका अजय गायनमा समेत जम्न थालेका छन् ।
उनै गायक तथा संगीतकार अजय कार्कीको शब्द, संगीत र स्वर रहेको नयाँ गीतको भिडियो सार्वजनिक भएको छ । अजय कार्कीकै अफिसियल युट्युब च्यानल ‘अजय कार्की स्टल नं २५६’मार्फत शुक्रबार सार्वजनिक गरिएको ‘धरहरा’ बोलको गीतमा अजयसँगै अविनाश मगरको पनि स्वर रहेको छ ।
उक्त गीतको संगीत बलिउडशैलीकाे छ । जसमा नेपालीपन त छदैछ । अजय कार्कीकै निर्माण रहेको उक्त गीतको भिडियोमा रञ्जित सिंजाली र एनालिया मगरले अभिनय गरेका छन् ।
यस गीतका रेकर्डिस्ट ‘ए वान म्युजिसियन’का किशोर थापा हुन् । भिडियोलाई अजय कार्कीले नै निर्देशन गरेका हुन् भने कथा कन्सेप्ट समेत उनैको रहेको छ । जसलाई राज पोखरेलले खिचेका हुन् ।
