किभमा शक्तिशाली विस्फोट, ६ जनाको मृत्यु

एजेन्सी । युक्रेनको राजधानी किभमा रातभर बम विस्फोट हुँदा झण्डै ६ जनाको मृत्यु भएको आशंका गरिएको छ ।

एएफपीले जनाए अनुसार किभस्थित एक किनमेल केन्द्रमा रातभरि भएको बम विस्फोटका कारण झण्डै छ जनाको मृत्यु भएको हो । किभदेखि उत्तरपश्चिममा पर्ने “रेट्रोभिल” सपिङ मल अगाडि ६ जनाको शव भेटिएको उक्त समाचार एजेन्सीले उल्लेख गरेको छ ।

शक्तिशाली विस्फोटका कारण भवनको कार पार्कमा राखिएका सवारीसाधनहरू समेत ध्वस्त भएका जनाइएको छ ।