काठमाडौं । आज अपरान्ह मन्त्रिपरिषद्को नियमित बैठक बस्ने भएको छ । बैठकले सशस्त्र प्रहरीमा नयाँ महानिरीक्षक चयन गर्नेछ ।
सशस्त्रका महानिरीक्षक शैलेन्द्र खनालले अवकाश पाउन भएपछि नयाँ आइजिपी छान्न लागिएको हो । खनालकै ब्याचका पुष्पराज केसी र रामशरण पौडेलमध्ये एक २० दिनका लागि आइजिपी हुनेछन् । त्यसपछि चार वर्षका लागि हुने आइजिपीको टुंगो पनि आजै लगाउने प्रयास भइरहेको छ । १८ बैशाखपछि आइजिपी हुने गरी एक डिआइजीलाई आजै एआइजी बनाउने सम्भावना छ । जो एआइजी हुन्छ, १८ बैशाखमा उनी आइजिपी हुनेछन् । जसको प्रतिस्पर्धामा राजु अर्याल, नारायणदत्त पौडेल तथा सिपी गौतम छन् । केहीले आर्थिक चलखेलमार्फत अस्वस्थ प्रतिस्पर्धा गरेपनि चुनावको मुखमा वरियता मिचेर आइजिपी नियुक्ति गर्ने अवस्थामा सरकार नरहेको स्रोत बताउँछ ।
