काठमाडौं । सशस्त्र प्रहरी बलमा रिक्त रहेको एआइजीको एक पदमा चार डिआइजीले दाबी गरेका छन् । बुधबार बढुवा समितिले तीन दिनभित्र शैक्षिक योग्यता लगायत बुझाउन सूचना जारी गरेको थियो । जसमा चार डिआजीले प्रमाणपत्रहरु बुझाएका छन् ।
जसमा राजु अर्याल, नारायणदत्त पौडेल, चन्द्रप्रकाश गौतम र बंशी दाहाल छन् । आइतबार उनीहरुमध्ये एकको बढुवा सिफारिस हुने सम्भावना छ । जो एआइजी हुन्छ १९ बैशाखपछि उही व्यक्ति सशस्त्र प्रहरीको महानिरीक्षक हुनेछन् । सोहीकारण एआइजी बढुवामा तिव्र प्रतिस्पर्धा छ । यद्यपी सशस्त्रमा सिनियरलाई नै महानिरीक्षक बनाउने परम्परा भएकाले यसपटक पनि त्यो फौजी परम्परा तोडिने सम्भावना कम रहेको गृह मन्त्रालय स्रोत बताउँछ ।
