बागलुङ । पहिरोका कारण अवरुद्ध मध्यपहाडी लोकमार्गको बागलुङ–घोडाबाँधे खण्ड सुचारु भएको छ ।
स्काभेटरको प्रयोग गरेर सडकमा खसेका ढुङ्गा, माटो र रूखहरु पन्छाएपछि सडक सञ्चालनमा आएको हो । पहिरोले पुरेपछि लोकमार्ग गएरातिदेखि अवरूद्ध भएको थियो ।
सडक डिभिजन कार्यालय र बागलुङ नगरपालिकाको सहकार्यमा स्काभेटर परिचालन गरेर सडक सञ्चालन गरिएको प्रहरी नायब उपरीक्षक इन्द्रबहादुर रानाले बताए ।
सडक सञ्चालनमा आएसँगै लोकमार्ग भएर चल्ने लामो तथा छोटो दूरीका सवारीसाधन गन्तव्यतर्फ गइरहेका छन् ।
त्यस्तै जिल्लाको दक्षिण जोड्ने बागलुङ कुश्मिशेरा सडक पनि सञ्चालनमा आएको छ ।