प्रहरीका ६ एसएसपीको सरुवा, को कहाँ पुगे ?

काठमाडौं । नेपाल प्रहरीका ६ जना वरिष्ठ उपरीक्षक (एसएसपी)को सरुवा भएको छ । गृहमन्त्रालयले प्रहरी प्रवक्ता विष्णुकुमार केसीसहित ६ जना एसएसपी सरुवा गरेको हो ।

प्रहरी प्रवक्ता केसी अपराध अनुसन्धान विद्यालयमा सरुवा भएका छन् । काठमाडौं प्रहरी प्रमुखमा भरतबहादुर बोहरा सरुवा भएका छन् । उपत्यका अपराध अनुसन्धान कार्यालयमा जनक भट्टराईलाई सरुवा गरिएको छ ।

कुवेर कडायत विपद व्यवस्थापन महाशाखा, अनुराग द्विवेदी मानव बेचविखन ब्यूरो र विकास खनाल लागु औषध ब्यूरोमा सरुवा भएका छन् ।

१७ एसएसपी डीआईजी बढुवा भएसँगै महत्वपुर्ण कार्यालयमा प्रमुख रिक्त भएका थिए ।