१ लाख ८८ हजार नगदसहित ७ जुवाडे पक्राउ

सिन्धुली । प्रहरीले सिन्धुलीको एक होटलबाट ७ जना जुवाडेलाई पक्राउ गरेको छ ।

कमलामाई नगरपालिका–६ धुराबजारस्थित सुवर्ण होटल एण्ड लजमा जुवातास खेलिरहेको अवस्थामा होटल संचालक चतुर्मान लो सहित ७ जनालाई पक्रउ गरेको हो ।

लजमा जुवातास खेलाइरहेको भन्ने सूचनाको आधारमा जिल्ला प्रहरी कार्यालय सिन्धुलीबाट खटिएको प्रहरीले उनीहरूको साथबाट १ लाख ८८ हजार ५ सय रूपैयाँ नगद र २२ बुक तास सहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।