अमेरिकाका पूर्वराष्ट्रपति डोनाल्ड ट्रम्पकी जेठी पत्नी इभानाको निधन भएको छ ।
ट्रम्पले आफ्नो सामाजिक सञ्जाल ट्रुथ सोसलमा ७३ वर्षीया इभानाको मृत्युबारे लेखेका छन् । ‘उनी सुन्दर र अद्भूत महिला थिइन्, जसले महान र प्रेरणादायी जीवन बाँचिन्,’ ट्रम्पले भनेका छन् ।
सन् १९७७ मा उनीहरूले विवाह गरेका थिए। १५ वर्षपछि सन् १९९२ मा डिभोर्स भएको थियो । इभानाको जन्म हालको चेक रिपब्लिकमा भएको थियो ।
ट्रम्पका सन्तान डोनाल्ड जुनियर, इभान्का एरिक ट्रम्प इभानाकै कोखबाट जन्मेका हुन् ।
