दुई विमान आकाशमा ठोक्कियो, चार जनाको मृत्यु

एजेन्सी । संयुक्त राज्य अमेरिकामा आकाशमा विमान ठोक्किँदा चार जनाको मृत्यु भएको छ ।

अमेरिकाको नाभाडा राज्यको उत्तरी लस भेगास एयरपोर्टमा आइतबार मध्याह्न यात्रा गरिरहेका साना विमानहरू आकाश ठोक्किँदा चार जनाको मृत्यु भएको बीबीसीले जनाएको छ ।

दुर्घटनाबारे अनुसन्धान जारी रहेको उत्तरी लस भेगास फायर डिपार्टमेन्टले ट्वीट गरेको छ ।

पाइपर पीए–४६ अवतरणको तयारी गरिरहेको अवस्थामा सेस्ना १७२ सँग ठोक्किएर दुर्घटना भएको प्रारम्भिक जानकारीले देखाएको छ । प्रत्येक विमानमा दुई जना सवार रहेका जनाइएको छ ।