काठमाडौं । सिन्धुपाल्चोकमा १२ वर्षीया बालिकामाथि बलात्कार गरेको आरोपमा प्रहरीले एक जनालाई पक्राउ गरेको छ।
सुनकोशी गाउँपालिका-५ हलेगाभाका ५६ वर्षीय डम्मरबहादुर भुजेलले सुस्त मनस्थिति भएकी १२ बालिकामाथि बलात्कार गरेको आरोपमा पक्राउ गरेको जिल्ला प्रहरी कार्यालयका प्रहरी नायब उपरीक्षक दक्षकुमार बस्नेतले जानकारी दिए।
आइतबार साँझ साढे ७ बजे १२ वर्षीया ती बालिकालाई भुजेलले पधेरो टोलस्थित कच्ची बाटोमा बलात्कार गरेको भन्दै प्रहरी कार्यालयमा जाहेरी परेको थियो।
जाहेरीको आधारमा भुजेललाई सोमबार पक्राउ गरी सिन्धुपाल्चोक जिल्ला अदालतबाट दिन ७ को म्याद अनुमति लिएर थप अनुसन्धान अघि बढाएको कार्यालयले जनाएको छ।
