एजेन्सी । पाकिस्तानको उत्तरपश्चिमी खैबर पख्तुनख्वा प्रान्तको डेरा इस्माइल खान जिल्लामा सुरक्षा बल र आतंककारीहरूबीच भएको भिडन्तमा एक सैनिकको मृत्यु भएको सेनाले आइतबार राति जनाएको छ ।
जिल्लाको द्राबन क्षेत्रमा सेना र आतंककारीहरूबीच गोली हानाहान भएको सेनाको सञ्चार शाखा इन्टर सर्भिसेस पब्लिक रिलेसन्स (आईएसपीआर) ले जारी गरेको विज्ञप्तिमा उल्लेख गरिएको छ ।
सेनाहरूले प्रभावकारी रूपमा आतङ्ककारीहरूको भिडन्त गरेका तर तीव्र फायरिङको क्रममा एक सैनिकले आफ्नो ज्यान गुमाएका आईएसपीआरले जानकारी दिएको छ ।
मारिएका ती सैनिक खैबर पख्तुनख्वा प्रान्तको लक्की मारवत जिल्लाका ३१ वर्षीय बासिन्दा रहेको बताइएको छ ।
