काठमाडौं । राष्ट्रिय परीक्षा बोर्डको बैठक आज बस्दै छ । दिउँँसो ३ बजे बैठक बस्ने बैठकमा एसईई नतिजाबारे छलफल हुने बोर्डका एक अधिकारीले जानकारी दिए ।
प्राविधिक रूपमा केही त्रुटि नभए नतिजा आजै सार्वजनिक गर्ने तयारी रहेको उनले बताए । स्थानीय चुनावका कारण १० दिन काम रोकिएकाले नतिजामा ढिलाइ भएको बोर्डले जनाएको छ ।
वैशाख ९ देखि २० गतेसम्म सञ्चालन भएको परीक्षामा ४ लाख ९५ हजार विद्यार्थी सहभागी थिए ।
