काठमाडौं । बुधबार फिलिपिन्सको डोलोरेस नजिक ७.१ म्याग्निच्युडको भूकम्प गएको छ ।
स्थानीय समयअनुसार बिहान ८ बजेर ४३ मिनेट जाँदा आब्राको हिमाली क्षेत्रलाई केन्द्रविन्दु बनाएर भूकम्प गएको यूएस जियोलजिकल सर्भेले जनाएको छ ।
फिल्पिन्सको राजधानी मनिलामा समेत भूकम्पको कडा धक्का महसुस गरिएको समाचार एजेन्सी रोयटर्सले जनाएको छ ।
अमेरिकी भौगर्भिक सर्वेले ७.१ म्याग्निच्युटको भूकम्प गएको जनाएपछि कतिपयले ७.३ म्याग्निच्युट रहेको उल्लेख गरेका छन् । भूकम्प १० किलोमिटर गहिराइमा रहेको जनाइएको छ ।
भूकम्पले भएको क्षतिको विवरण आइसकेको छैन । भूकम्पको ठुलो धक्का महसुस गरे पनि सुनामी आउन सक्ने सम्भावना नरहेको बताइएको छ ।
