काठमाडौं । आन्तरिक राजश्व कार्यालय, महाराजगञ्नमा कार्यरत कम्प्युटर अधिकृत बिन्दु प्रधान श्रेष्ठ ३० हजार रुपैयाँ घुससहित पक्राउ परेकी छिन् । अख्तियार दुरुपयोग अनुसन्धान आयोगको टोलीले उनलाई बुधबार ३० हजार घुससहित कार्यकक्षबाटै पक्राउ गरेको हो ।
मंगलबार मात्र आयोगले पर्यटन मन्त्रालयका उपसचिव प्रमोद नेपाललाई घुससहित पक्राउ गरेको थियो । उनीसँग ६ लाख घुस र बाँकी १६ लाख ५० हजार स्रोत नखुलेको पैसा बरामद भएको थियो ।
