एजेन्सी । सोमालियाका प्रधानमन्त्रीले अल–शबाब जिहादीहरुले मोगादिसुमा भएको घातक होटल घेराबन्दीका लागि सरकारलाई जवाफदेही बनाइने बनाएका छन् ।
प्रधानमन्त्री हम्जा अब्दी बारेले पनि सोमालियालीहरूलाई अल-कायदा–सम्बन्धित समूहविरुद्ध लड्न एकजुट हुन आह्वान गरेका छन् । यस देशमा अल-शबाब जिहादीहरुले १५ वर्ष भन्दा बढी समयदेखि रक्तपातपूर्ण विद्रोह गरिरहेका छन् ।
‘सरकारमा जवाफदेहिता हुनेछ, सरकारमा कोही पनि जवाफदेहिताबाट उम्कने छैन, जो कोहीले आफूलाई सुम्पिएको जिम्मेवारीलाई बेवास्ता गरे जवाफदेही बनाइनेछ,’बारेले आइतबार पत्रकारहरुलाई जानकारी दिएका छन् ।
अल-शबाब आतङ्ककारीले सोमालियाको राजधानी मोगादिसुको हयात होटलमा आक्रमण गरेको झण्डै ३० घण्टापछि सैनिक कारवाही समाप्त भएको छ ।
अल–शबाब आतङ्ककारीले गरेको आक्रमणमा ४० जनाको मृत्यु हुनुका साथै ७० भन्दाबढी घाइते भएका थिए । स्थानीय सञ्चारमाध्यमका अनुसार सुरक्षा अधिकारी र आक्रमणकारीबीच झण्डै ३० घण्टासम्म गोली हानाहान जारी रहेको बताएको छ ।
