सप्तरी । सप्तरीको बलान विहुल गाउँपालिका–४ बेल्हीमा तस्कर समूह र प्रहरीबीच झडप भएको छ । तस्करी गरेर ल्याइएको समान बरामद गर्ने क्रममा मंगलबार अपरान्ह तस्कर समूह र सुरक्षाकर्मीबीच झडप भएको हो ।
झडपमा प्रहरीले तीन राउन्ड गोली चलाएको छ । स्थितिलाई नियन्त्रणमा लिन हवाइ फायर गरेको सप्तरीका प्रहरी प्रवक्ता माधवप्रसाद काफ्लेले जानकारी दिए । उनका अनुसार कुनै अप्रिय घटना हुन नदिन प्रहरीले ३ राउण्ड हवाइ फायर गरेको हो ।
घर खानतलासी गर्न पुगेका प्रहरीलाई अवरोध र्पुयाएपछि विवाद सुरु भएको थियो । विवाद बढ्दै जाँदा प्रहरी र तस्कर समूहबीच दोहोरो झडप भएको हो ।
झडपमा परेर केही प्रहरी र तस्कर घाइते भएका प्रहरी प्रवक्ता काफ्लेले जानकारी दिए ।
