पहिरो खस्दा जयपृथ्वी राजमार्ग अवरुद्ध

बझाङ । जयपृथ्वी राजमार्गअन्तर्गत बझाङको जालेबगरमा पहिरो खस्दा सडक अवरुद्ध भएको छ ।

सोमबारको अविरल वर्षाका कारण खसेकाे पहिराेले छविसपाथिभेरा गाउँपालिका-१ जालेबगरमा सडक पुरेको हो । जालेबगर, मालुमेला र बगडगाउँमा आएको पहिरोले यातायात ठप्प भएको जिल्ला प्रहरी कार्यालयका प्रमुख जागेश्वर भण्डारीले जानकारी दिए ।

सदरमुकाम चैनपुरबाट धनगढी र धनगढीबाट बझाङका लागि छुटेका बस तथा जीप जालेबगरकै पहिरोले रोकिएका छन् । जेसीबीले सडक खुलाउने काम भइरहेको डीएसपी भण्डारीले बताए ।