प्रधानमन्त्रीद्वारा महारानी एलिजाबेथको निधनप्रति दुःख व्यक्त

काठमाडौं । प्रधानमन्त्री शेरबहादुर देउवाले बेलायतकी महारानी एलिजाबेथ द्वितीयको निधनप्रति दुःख व्यक्त गरेका छन् ।

उनले शोक सन्देशमार्फत महारानी एलिजाबेथको निधनको खबरले आफूलाई दुःख लागेको बताएका हुन् । महारानी एलिजाबेथले कर्तव्य, सम्मान र सेवाका साथ आफूलाई प्रतिष्ठित गरेको प्रधानमन्त्री देउवाले सन्देशमा उल्लेख गरेका छन् ।

महारानी एलिजाबेथले सन् १९६१ र १९८६ मा गरेकाे नेपालको महत्वपूर्ण राजकीय भ्रमणका लागि उनलाई नेपालमा मायापूर्वक सम्झिइने शोक सन्देशमा जनाइएको छ ।

बेलायतमा सबैभन्दा लामो समयसम्म गद्दीमा रहेकी महारानी एलिजाबेथको ९६ वर्षको उमेरमा बिहीबार राति बाल्मोरलमा निधन भएको हो ।