काठमाडौं । काठमाडौं महानगरपालिकाले वीर अस्पताल वरपर अनधिकृत रुपमा निर्माण गरिएका संरचना भत्काउन सुरु गरेको छ ।
महानगरले बिहीबार वीर अस्पतालले भाडामा लगाउँदै आएको औषधि पसलको संरचनामाथि डोजर चलाएको हो । अनधिकृत संरचना हटाउन आजसम्म समय दिएपनि अटेर नहटाइएकाले डोजर चलाउनुपरेको महानगरले जनाएको छ ।
फार्मेसी सञ्चालन भएका ठाउँ अब पार्क बनाइने महानगरले जनाएको छ । यसअघि पनि उक्त स्थानमा पार्क बनाउने भनिएको थियो । तर, फार्मेसी चलाएको पाइएपछि डोजर चलाइएको महानगरले जनाएको छ । वीर अस्पतालले नक्सा पास गर्दा बगैंचा बनाउने भनेको जग्गामा फार्मेसी सञ्चालनमा थियो ।
महानगरका मेयर बालेन साहको सचिवालयका अनुसार नक्सामा पार्क बनाउने भनिएको छ । तर, ती जग्गामा फार्मेसी चलाएको पाइएकोले हटाइएको हो । उक्त स्थानमा आधा दर्जनभन्दा बढी फार्मेसी सञ्चालनमा थिए ।
