काठमाडौं । ‘कौडा किङ’का रुपमा चिनिएका गायक दुर्गा गुरुङलगायतको स्वरमा नयाँ कौडा चुट्का गीत सार्वजनिक भएको छ ।
‘रिसिङ डाँडा रमाइलो’ बोलको यस गीतमा दुर्गाका अलावा पृथ्वी गुरुङ, शर्मिला गुरुङ र दुर्गा गुरुङ ‘तमुस्यो’को स्वर रहेको छ । बरिष्ठ संगीतकार रेशम गुरुङको संगीत रहेको यस कौडा गीतमा गणेश गुरुङ र रेशमको संयुक्त शब्दरचना रहेको छ ।
कौडा किङ दुर्गा गुरुङकै अफिसियल युट्युब च्यानलबाट सार्वजनिक गरिएको यस गीतमा एरेञ्ज पनि गायक दुर्गाले नै गरेका हुन् । तनहुँकै रमणीय स्थल रिसिङमा छायाँकन गरिएको यस गीतको भिडियोमा मुख्य नायिकाको रुपमा उर्मिला गुरुङले अभिनय गरेकी छन् । साथमा कौसिला गुरुङ, निरु गुरुङ, करुणा गुरुङ, अञ्जना गुरुङ, पुष्पा गुरुङ, लक्ष्मी गुरुङ, सुष्मा गुरुङ, अनिता गुरुङ, माया आले मगर, रश्मी आले मगर र पल्पशा आले मगरको नृत्य अभिनय रहेको छ ।
शोभा गुरुङ, सरु गुरुङ, रेशम गुरुङ, दुर्गा गुरुङ, नन्द शोभा गुरुङ र आशिष गुरुङ (जापान’ निर्माता रहेको यस गीतको भिडियोलाई निर्देशन तथा कोरियोग्राफी पर्शन गुरुङले गरेका हुन् ।
