काठमाडौं । एमालेले टिकट खोसेका नेता भीम रावलको निर्वाचन क्षेत्र अछाम–१ मा झण्डै दोब्बर मतले एमाले पछि परेको छ ।
यस क्षेत्रमा एमालेबाट विद्रोह गरेर बनेको नेकपा एकीकृत समाजवादीले झण्डै दोब्बर मतले अग्रता लिएको छ ।
एमालेले भीम रावललाई पाखा लगाएर झपटबहादुर बोहरालाई टिकट दिएको थियो । पछिल्लो गणनाअनुसार बोहराले ६ हजार २६४ मत पाएका छन् ।
तर, एकीकृत समाजवादीका उम्मेदवार शेरबहादुर कुँवरले भने झण्डै दोब्बर अर्थात १० हजार २९० मत पाएका छन् । कुँवर र बोहराबीच ४ हजार २६ मतान्तर रहेको छ ।
एमाले अध्यक्ष केपी शर्मा ओलीले भीम रावलको टिकट खोसेका कारण एमाले अछामका धेरै नेता कार्यकर्ताले एमाले परित्याग गरेका थिए ।
