एजेन्सी । आसामको गोलपारा जिल्लामा बिहीबार जंगली हात्तीको बथानले आक्रमण गर्दा बालक सहित कम्तीमा तीन जनाको मृत्यु भएको छ भने दुई जना घाइते भएका छन् ।
लखीपुरका वन क्षेत्र अधिकृत डा. ध्रुवदत्तले दिएको जानकारी अनुसार हात्तीको आक्रमणबाट दुईवटा गाडीमा समेत क्षति पुगेको छ । घटना गोलपारा जिल्लाको लखीपुर वनक्षेत्रको लखीपुर–आगिया सडकमा भएको हो ।
हात्तीको बथानले दुईवटा गाडीमा आक्रमण गर्दा एक बालकसहित तीन जनाको मृत्यु भएको दत्तले बताए । ‘अरु दुई जना पनि घाइते भएका छन्। उनीहरुलाई अस्पताल लगिएको छ’ उनले थप पुष्टि गरे ।
