काठमाडौं । त्रिभुवन अन्तर्राष्ट्रिय विमानस्थल अन्तर्राष्ट्रिय उडानतर्फको प्रस्थान होल्ड ब्यागेज चेकिङ एरियाबाट ३० ग्राम सुन सहित अमेरिकी नागरिक ६२ वर्षीया मिगमार डोल्मालाई बिहीबार बिहान प्रहरीले पक्राउ गरेको छ ।
एयर ईण्डियाको उडानद्वारा काठमाडौंबाट दिल्ली जान लागेकी डोल्माले ल्याएको झोलालाई जाँच गर्ने क्रममा झोलाभित्र उक्त धातु सहित फेला पारी उनलाई पक्राउ गरेको हो ।
