काठमाडौं । गायक दिलिप आङ्देम्बेको स्वरमा नयाँ गीत सार्वजनिक भएको छ । ‘काँडैकाँडा’ बोलको उक्त गीत एकान्त आङ्देम्बेको अफिसियल युट्युब च्यानलबाट सार्वजनिक गरिएको हो ।
सत्य घटनामा आधारित भनिएको यस गीतको शब्दरचना इक्साहाङ चेम्जोङले गरेका हुन् । यस गीतमा संगीत एकान्तदेव र म्युजिक संयोजन देवेश राईको रहेको छ ।
जीवन राईले निर्देशन गरेको ‘काँडैकाँडा’ गीतको यस भिडियोमा दिलिप आङ्देम्बे, पुष्पाञ्जली तिलिङ मादेनका अलावा बालकलाकार शक्ति आङ्देम्बेको पनि अभिनय रहेको छ ।
अनामनगरस्थित सेवा स्टुडियोमा रेकर्डिङ गरिएको यस गीतको भिडियोलाई विनोद याख्खाले खिचेका हुन् । भिडियोबाट सकरात्मक प्रतिक्रिया आइरहेको गायक दिलिपको भनाइ छ । ‘काँडैकाँडा’ गीत दिलिपकै जीवनमा आधारित रहेको बताइएको छ ।
