‘शून्य शून्य रात’मा आइन् प्रकृति

काठमाडौं, ७ कातिक । गायिका प्रकृति थलङको नयाँ गीत सार्वजनिक भएको छ । ‘शून्य शून्य रात’ बोलको गीतलाई प्रकृतिले लिरिकल भिडियोमा सार्वजनिक गरेकी हुन् । सार्वजनिक गीतमा विष्णु इङ्नामको शब्दरचना रहेको छ ।
‘शून्य शून्य रात’मा पछिल्लो समयका चर्चित संगीतकार तथा गायक ताराप्रकाश लिम्बूको संगीत रहेको छ । मेलोडियस तथा पाश्र्वसंंगीत सिर्जनामा माहिर मानिएका संगीतकार ताराप्रकाशले ‘शून्य शून्य रात’मा पनि आफ्नोपन झल्काएका छन् ।
गायिका प्रकृति पछिल्लो समय रेकर्डिङसँगै विभिन्न स्टेज कार्यक्रममा व्यस्त रहँदै आएकी छन् । मोडलसमेत रहेकी प्रकृति केही साताअघि मात्र दक्षिण कोरियामा आफ्नो दम्दार सांगीतक प्रस्तुती दिएर फर्केकी हुन् । ‘शून्य शून्य रात’को लिरिकल भिडियो सार्वजनिक गर्दै प्रृकतिले भनिन्, ‘यो गीतको भिडियो चाँडै बन्दैछ ।’