काठमाडौं । फिल्म ‘रिपा’को ‘साइली’ बोलको कौडा चुट्का गीत सार्वजनिक भएको छ । रोधी डिजिटलको अफिसिरयल युट्युब च्यानलमार्फत सार्वजनिक गीतमा बरिष्ठ गायक तथा संगीतकार रेशम गुरुङको शब्द/संगीत रहेको छ ।
यस कौडा चुट्का गीतमा दुर्गा गुरुङ, तेजेन्द्र दुरा मनाङ गुरुङ, निरु श्रीस मगर, रुपा सिँजाली मगर र प्रेमा राना मगरको स्वर रहेको छ । मानबहादुर बराल मगरको मास्टरिङ रहेको यस गीतमा अडियो निर्माण आइतराम गुरुङले गरेका हुन् ।
तनहुँ–७ स्थित भानु गाउँमा छायाँकन गरिएको यस गीतको भिडियोमा आनन्द गुरुङ, सिमा गुरुङ, डीबी गुरुङ, रेशम गुरुङ, प्रितम गुरुङ (गोरे) र सुप्रिया गुरुङको अभिनय हेर्न सकिन्छ ।
यस्तै, भिडियोमा बिनिता थापा मगर, रश्मी थापा मगर, संगीता आले मगर, क्रिशला आले मगर, कृष्ण आले मगर, मुस्कान गुरुङलगायत स्थानीयले समेत नृत्य गरेका छन् ।
यस्तै, यस गीतको भिडियोमा राजु तामाङको छायाँकन, खेम थापा मगरको सम्पादन र मेक थापा मगरको पोस्ट प्रोड्क्सन रहेको छ भने सन्तोष गुरुङको कोरियोग्राफी रहेको छ । यस फिल्मको लेखन, निर्माण तथा निर्देशन प्रितम गुरुङले गरेका हुन् ।
