काठमाडौं । गायिका अस्मिता अधिकारी र गायक संगम शेर्मा लिम्बुको स्वरमा ‘लभ पर्ला जस्तो छ’ बोल गीतको भिडियो सार्वजनिक भएको छ । सार्वजनिक गीतमा शब्द तथा संगीत राजनराज शिवाकोटी, एरेन्ज दिवेश राई र मिक्सिङ किशोर थापाको रहेको छ ।
छमछम नचाउने लोकपप शैलीको यस गीतमा नायिका प्रियंका कार्की र नायक नाजिर हुसेनले अभिनय गरेका छन् । रोमान्टिक शैलीमा निर्माण गरिएको गीतले एक प्रेमील जोडीको प्रेम कथालाई कलात्मक शैलीमा निर्देशक दिनेश माङ्मु लिम्बुले भिडियोमा उतारेका छन् ।
राजीव समरको कोरियोग्राफी रहेको भिडियोमा सम्पादन र कलर अनिल राना र छायांकन अर्जुन तिवारीले गरेका हुन् ।
