काठमाडौं । एसएसपी बढुवामा आफुमाथि अन्याय भएको भन्दै एक एसपीले सार्वजनिक रुपमै असन्तुष्टि जनाएका छन् । एसपी नान्तीराज गुरुङले आफुलाई बढुवामा छुटाइएको दाबी गरेका छन् ।
कार्यसम्पादन नम्बरमा आफु अब्बल भएपनि बढुवा समितिले कम नम्बर दिएर छुटाएको उनको दाबी छ । कार्यसम्पादन मूल्याङकनको नम्बर सार्वजनिक गर्न समेत उनले आइजिपी बसन्त बहादुर कुँवरलाई चुनौती दिएका छन् ।
गत शुक्रबार नेपाल प्रहरीका १८ एसपी एसएसपी बढुवामा सिफारिस भएका थिए । एसपी गुरुङ पनि बढुवाको प्रतिस्पर्धामा थिए । तर, वरियतामा भने उनी निकै पछाडी थिए । साथै औसत कार्यक्षमताका अधिकृत भएको प्रहरी अधिकारी बताउँछन् । त्यसकारण बढुवामा आफुमाथि अन्याय भयो भन्ने अवस्था भने नरहेको एक उच्च प्रहरी अधिकारी बताउँछन् । उनीभन्दा अब्बल अधिकृतहरू समेत बढुवामा छुटेका छन् ।
