काठमाडौं । टिकटकमा अत्याधिक रुचाइएको गीत ‘कस्तो होला भाटु राजाको दरबार’ गीतको भिडियो सार्वजनिक भएको छ । यस गीतमा नागरिक उन्मुक्ति पार्टीका संस्थापक नेता रेशम चौधरी र आभा मुकारुङको स्वर रहेको छ ।
यस गीतमा संगीत पनि रेशम चौधरीले नै गरेका हुन् भने गीतमा रामचन्द्र बोगटीको शब्दरचना रहेको छ । थारु समुदायको रहनसहन, कला संस्कृतिलाई झल्काउन खोजिएको भिडियोमा राज गजमेर, अस्मिता तामाङ, अञ्जल श्रेष्ठलगायतको अभिनय छ ।
सविना भण्डारी र दिनेश एसकेको कोरियाग्राफी र श्याम लामाले खिचेको भिडियोको निर्देशन सागर क्षेत्री गरेका हुन् । केन्द्र मोशन पिक्चर्सले सार्वजनिक गरेको यस भिडियोको निर्माता कुमार कार्की हुन् ।
