काठमाडौं । लामो समयपछि गायक उदय सोताङ र मनिला सोताङको युगल गीत सार्वजनिक भएको छ । नेपाली सांगीतिक क्षेत्रमा सफल गायन जोडीको रुपमा चिनिएका उदय र मनिलाको स्वरमा हालै ‘जालहारी ठूली’ बोल गीतको सार्वजनिक भएको हो ।
लोकशैलीको ‘जालहारी ठूली’ गीतको शब्दरचना युकेमा रहेका मिलन नाल्बोले लेखेका हुन् । पुष्पराज बरालको संगीत र पवन भाटको संगीत संयोजन रहेको यस गीतको भिडियोलाई सांग्रिला क्रियशनले निर्माण गरेको हो । गीतको भावअनुसार गाउँले परिवेशलाई भिडियोमा उतारिएको छ ।
यस गीतको भिडियोमा बेदना थुलुङ र दिनेश कायस्थले अभिनय गरेका छन् । भिडियोमा गायक उदय र मनिला पनि देखिएका छन् । सुजन तोलङ्गीले छायाँकन गरेको यस भिडियोलाई विनोद बमले सम्पादन गरेका हुन् । एसआर डीजिटल युट्युब च्यालनमार्फत सार्वजनिक गरिएको यस भिडियोलाई दर्शक श्रोताले रुचाएका छन् ।
