अमेरिकाको पेन्सिलभेनियामा गोली चल्यो, ४ जनाको मृत्यु

काठमाडौं । अमेरिकाको पेन्सिलभेनिया प्रान्तको फिलाडेल्फियामा गोली चल्दा ४ जनाको मृत्यु भएको छ ।

प्रत्यक्षदर्शीका अनुसार बुलेटप्रुफ ज्याकेट लगाएका एक व्यक्तिले अन्धाधुन्द चलाएको गोली लागेर ४ जनाको मृत्यु भएको हो । आठ जनालाई गोली लागेको थियो । तीमध्ये चार जनाको मृत्यु भएको छ । चार जना घाइते भएका छन् । घाइतेहरुमध्ये दुई जना बालबालिका छन् ।

गोली चलाउनेको व्यक्तिलाइ प्रहरीले पक्राउ गरी अनुसन्धान गरिरहेको जनाइएको छ । उनले गोली किन चलाए भन्ने पनि खुलेको छैन ।

सोमबार राति साढे ८ बजेतिर फ्रेजियर स्ट्रिटको १८ सय ब्लकमा गोली चलेको आवाज सुनेपछि प्रहरी घटनास्थल पुगेर हतियारधारी व्यक्तिलाई नियन्त्रणमा लिएको थियो ।