काठमाडौं । हास्य–व्यंगमा आधारित टेलिभिजन रियालिटी शो ‘कमेडी क्लब विथ च्याम्पियन्स’ बन्द भएको छ । शोका निर्देशक तथा होस्ट विशाल भण्डारीले सामाजिक सञ्जालमार्फत शो तत्कालका लागि बन्द भएको जानकारी दिएका छन् ।
६९ एपिसोड पूरा गर्दा टिमलाई केशी समयको लागि छोटो विश्राम (ब्रेक) आवश्यक देखिएकाले तत्कालको लागि शो बन्द भएको भण्डारीले बताएका छन् ।
कमेडी क्लब विथ च्याम्पियन्सको १६ महिनाको यात्रा निकै रोमाञ्चक रहेको भण्डारीको भनाइ छ । काम गर्दै गर्दा सुरुवातको वर्ष नै ‘बेस्ट पपुलर टीभी शो’को अवार्ड जित्न सफल भएको उल्लेख गर्दै भण्डारीले त्यसको श्रेय कलाकार, लेखक, क्रियटिभ टिम र शोको उत्पादक थ्री प्रोडक्स टिम, कि एडभरटाइजिङ, कि एडभर्टाइजिङ र दर्शकको मायालाई जाने बताएका छन् ।
