काठमाडौं । लोक तथा दोहोरी गायिका एवं ब्यवसायी उमा श्रेष्ठले यसवर्ष पनि नेपाली नारीको महान चाड हरितालिका तीजलाई लक्षित गर्दै गीत ल्याएकी छन् । उमाले तीज गीत ‘पापाकी परी’ सार्वजनिक गरेकी हुन् ।
गायिका उमाले आफ्नो सांगीतिक यात्राको क्रममा विभिन्न अवार्ड तथा सम्मान समेत हात परिसकेकी छन् । सिन्धुपाल्चोकी उमा व्यवसायिक पनि हुन् । तर, उनी गीतसंगीतमा पनि उत्तिकै सक्रिय छिन् । उनी गीतसंगीतमा मौलिकता भुल्न नहुन बताउँछिन् ।
‘पापाकी परी’मा उमाको एकल स्वर रहेको छ । प्रस्तुत गीतलाई लय तथा शब्द सिर्जना श्रीकृष्ण बम मल्लले गरेका हुन् ।
गीतअनुसार भिडियो आकर्षक बनेको छ । भिडियोमा रुबिना अधिकारी, जोहन बम, बिनोद सेवान र अनिल परियारले अभिनय गरेका छन् । बिक्रम चौहानद्वारा निर्देशित यस भिडियोलाइ उमाले आफ्नै अफिसियल युट्युब च्यानलमार्फत सार्बजनिक गरेकी हुन् ।
