काठमाडौ । चर्चित अभिनेत्री मिरुना मगर र द भ्वाईस अफ नेपाल सिजन-४ का बिजेता गायक करण राई फिचर्ड ‘पिरतीको मुस्कान’ गीतको भिडियो सार्वजनिक भएको छ । काठमाडौंमा आयोजित एक समारोहबीच भिडियो सार्वजनिक गरिएको हो ।
सार्वजनिक गीतमा गीतकार लीला सेलिङ् माबोको शब्द र देवेश राईको संगीत, एरेञ्ज तथा मिक्सिङ रहेको छ । लिला र अन्जु सेलिङले निर्माण गरेको यस भिडियोलाई ‘करण राई’ युट्युव च्यानलबाट सार्वजनिक गरिएको छ । कार्यक्रममा करणले साङ्गीतिक यात्राको बारेमा बोल्दै भने ‘कलाकारिता क्षेत्रमा छु, जे छु जस्तो छु, यसलाई नै निरन्तरता दिन्छु भन्ने पूर्ण विश्वास छ । भलै थोरै पैसा कमाउ तर यहि क्षेत्रमा केही गर्छु ।’
त्यस्तै, कार्यक्रममा चर्चित कवि तथा निर्देशक उपेन्द्र सुब्बाले करण र गीतको टिमलाई शुभकामना दिएका थिए । लीलाको बाबा–आमालाई करणले सम्मान गरेका थिए, भने करणलाई निर्माण टिमबाट स्वागत सम्मान गरिएको थियो ।
त्यस्तै यस भिडियोमा निर्देशक शान थापाले करणसँगको सहकार्य तेस्रो रहेको बताए । शानद्धारा निर्देशित भिडियोमा मिरुना र करण फिचर्ड छन् । यो म्युजिक भिडियोलाई अर्जुन तिवारीले खिचेका हुन्, भने रोशन विश्वकर्माले कोरियोग्राफी रहेको छ । सुप्रिम पराजुलीको सम्पादन रहेको भिडियोमा प्रिया कार्कीको मेकअप रहेको छ ।
