काठमाडौं– गायक वीरेन्द्र जोहारीकाे ‘मुई डोली’ बोलको गीत निकै लोकप्रिय भयो । त्यो गीतको सफलतापछि उनले हालै त्यसैको भाग – २ को भिडियो सार्वजनिक गरेका छन् ।
कमल बमको शब्द र सङ्गीत तथा कृष्ण पुनको संगित संयोजन रहेको यस गीतमा वीरेन्द्रलाई सुदूरपश्चिमकी लोकप्रिय गायिका पुष्पा बोहराले साथ दिएकी छिन् । ‘मुई डोली’ को पहिलो भागमा पनि पुष्पा र वीरेन्द्रकै स्वर रहेको थियो । शिव बि. क. को निर्देशन र वीरेन्द्र भाट ‘विपिन’ को छयाङ्कन तथा सम्पादन रहेको यस भिडियोमा सम्पदा बानिया र वीरेन्द्र जोहारी स्वयमको अभिनय छ ।
सुदूरपश्चिमको दार्चुलाको व्यास गाउँपालिका स्थाई बसोबास भएका गायक जोहारी नेपालमा बसोबास गर्ने सबैभन्दा अल्पसंख्यक जातिका हुन् । ‘ उनले २०६२ सालमा ‘तेरी यादमा’ शीर्षकको एल्बम प्रकाशन गरी औपचारिक रुपमा सङ्गीत यात्रा आरम्भ गरेका थिए । हालसम्म उनले करिब तीन सय गीत गाइसकेका छन् ।
भिडियाे:
