हेलिकोप्टर दुर्घटना हुँदा पाँच अमेरिकी सैनिकको मृत्यु

काठमाडौं । पूर्वी भू–मध्यसागरमा भएको हेलिकोप्टर दुर्घटनामा पाँच अमेरिकी सैनिकको मृत्यु भएको छ । नियमित प्रशिक्षण अभ्यासमा इन्धन भर्ने क्रममा हेलिकोप्टर दुर्घटना भएको हो ।

अमेरिकी सेनाले सामाजिक सञ्जालमार्फत भूमध्यसागरमा प्रशिक्षणका क्रममा विमान दुर्घटनामा परी पाँच अमेरिकी सैनिकको मृत्यु भएको जनाएको हो । उसले मृतकप्रति श्रद्धान्जली अर्पण गरेको छ ।

इजरायल र हमासबीच युद्ध सुरू भएदेखि नै अमेरिकाले यस क्षेत्रमा आफ्नो सैन्य गतिविधि बढाएको छ ।

राष्ट्रपति जो बाइडेनले उनीहरूप्रति श्रद्धन्जली अर्पण गर्दै हरेक दिन देशको लागि आफ्नो जीवन समर्पण गर्नेहरूप्रति सम्मान व्यक्त गरेका छन् ।

तर, सेनाको विज्ञप्तिमा हेलिकप्टर कहाँबाट उडेको वा कहाँ दुर्घटना भएको हो भन्ने उल्लेख गरिएको छैन ।