काठमाडौं । नविल बैंक र उपाय बिजनेश सोलुसन्सबीच बैंकको ग्राहकहरुको आवश्यकताअनुसार उपाय प्लेटफर्ममा उपलब्ध विभिन्न सेवाहरु प्रदान गरेर बैंकको ग्राहकलाई सहयोग गर्ने सम्झौता भएको छ।
यस साझेदारीअन्तर्गत बैंकका ग्राहकले कर्जाका लागि आवश्यक प्रारम्भिक कागजात तयार गर्न तथा व्यवसायका लागि वित्तीय व्यवस्थापन, कानुनी र कर व्यवस्थापन गर्नका लागि उपाय विजनेश सोलुसन्सको सेवा लिनेछन्। उपायले व्यावसायिक सेवाका बारेमा सजिलो र पारदर्शी समाधान प्रदान गर्नुको साथै बैंकका ग्राहकलाई आवश्यक बमोजिम क्षेत्रगत विशेषज्ञको सेवा उपलब्ध गराउने जनाइएको छ।
नविल बैंककक एसएमई, एमएफ एण्ड एसबी प्रमुख अमित श्रेष्ठ तथा उपाय बिजनेश सोलुसन्सकी प्रमुख कार्यकारी अधिकृत शोभाश्रेष्ठले सम्झौतापत्रमा हस्ताक्षर गरेका छन् । साझेदारीको बारेमा बोल्दै नविल बैंकका एसएमई, एमएफ एण्ड एसबी अमित श्रेष्ठले भने, “नविल बैंक, साना तथा मझौला उद्यमीहरुलाई वित्तीय पहुँचमा वृद्धि तथा समग्र अर्थतन्त्रको विकास गर्नका लागि आकर्षक ब्याजदरमा यथाशिघ्र ऋण उपलब्ध गराउनुका साथै विभिन्न सुविधाहरू र सेवाहरू उपलब्ध गराउन सधैं अग्रसर रहेको छ। हामीलाई आशा छ कि यो साझेदारीले साना तथा मझौला उद्यमीहरुको वित्तीय व्यवस्थापन पूर्णता प्रधान गर्नेछ ।”
उपाय बिजनेश सोलुशन्सकी प्रमुख कार्यकारी अधिकृत शोभा श्रेष्ठले भने, “नविल बैंकसँगको सहकार्यले उद्यमीहरूलाई निकै फलदायी हुनेछ।” उनले थपिन्, “उपायले कर्जासम्बन्धी सेवाहरूका साथै वित्तीय व्यवस्थापन, कानूनी र कर व्यवस्थापन सम्बन्धी व्यवसायिक सेवा प्रदान गरेर बैंकका विभिन्न ग्राहकहरूलाई मार्गदर्शन र मद्दत गर्न सक्षम भएको छ र यो साझेदारीले पनि थप मद्दत पु¥याउनेछ ।”
