काठमाडौं । न्यूजिल्याण्डमा सवारी दुर्घटनामा परी एक नेपालीको मृत्यु भएको छ । गत शुक्रबार धनुषाको शहिदनगर नगरपालिका घर भएका ३३ वर्षीय सुरेन्द्र सर्वरियाको काममा जाने क्रममा सवारी दुर्घटनामा परी मृतयु भएको हो ।
उनको शव अहिले अस्पातलमा रहेको र नेपाल पठाउनेबारे आवश्यक तयारी भइरहेको एनआएएनए न्यूजिल्याण्डका प्रवक्ता रामहरि पाण्डेले जानकारी दिए ।
एनआरएनए न्यूजिल्याण्डले उनको शव नेपाल पठाउन १८ हजार डलर लाग्ने जनाएको छ । त्यसका लागि रकम अभाव भएकोले सहयोगको अपिल समेत गरेको छ ।
