काठमाडौं । गायिका निर्मला थापा मगरको नयाँ गीतको भिडियो सार्वजनिक भएको छ । ‘इन्द्रकमल’ बोलको गीतलाई गायिका निर्मलाले शुक्रबार आफ्नै अफिसियल युट्युुव च्यानल ‘निर्मला थापा मगर’मार्फत सार्वजनिक गरेकी हुन् ।
लोक दोहोरी क्षेत्रमा बेग्लै पहिचान बनाएकी निर्मलाको यो पछिल्लो गीत हो । यो गीतको भिडियो ११ मिनेटको रहेको छ । यस गीतमा निर्मलासँगै आरके गुरुङको पनि स्वर रहेको छ । पवित्रा सर्तुङ्गे मगरको शब्द र आरके गुरुङको लय रहेको यस गीतलाई सुदिप सागरले एरेन्ज गरेका हुन् ।
यस गीतको भिडियोमा गायक चिज गुरुङ र अन्जु गुरुङले अभिनय गरेका छन् । प्रकाश भट्टले निर्देशन गरेको यस भिडियोमा करण चैसिरको छायाँकन र टेकेन्द्र शाहको सम्पादन रहेको छ । करिब डेढ दशकदेखि गायन क्षेत्रमा सक्रिय लोक तथा दोहोरी गायिका निर्मलाले हालसम्म एक सयभन्दा बढी गीत गाइसकेकी छन् ।
