काठमाडौं, २ बैशाख । प्रभु बैंकका सिइओ अशोक शेरचनको रचनामा ‘सुनौलो बिहानी फर्किनेछ’ बोलको गीत सार्वजनिक भएको छ । नयाँ वर्षको अवसरमा सार्वजनिक भएको उक्त गीतको भिडियोलाई नितिन चन्दले निर्देशन गरेका छन् ।
भिडियोमा पहिलोपटक मोडल तथा अभिनेता पल शाह र प्रदीप खड्काले सँगै अभिनय गरेका छन् । कोरोना भाइरसका कारण जताततै निराशा छाएको र मुलुक लडडाउन भएको बेला आशा जगाउने उद्देश्यले गीत सार्वजनिक गरिएको हो ।
बुढासुब्बा म्युजिकले सार्वजनिक गरेको उक्त गीतमा सत्यराज आचार्य, स्वरुपराज आचार्य, प्रताप दास, प्रविशा आधिकारीको स्वर रहेको छ । गीतको भिडियोमा शाह र खड्कासँगै अभिनेत्री कृष्टिना गुरुङलाई देख्न सकिन्छ । त्यस्तै निर्माता र निर्देशक सन्तोष सेन पनि भिडियोमा समेटिएका छन् । भिडियोमा गायक र गायिकालाई पनि फिचर गरिएको छ ।
भिडियोमा मुस्कान वाग्ले, पवन श्रेष्ठ, सपन श्रेष्ठ, सुन्दिरा अवाले, शम्भु चालिसेको फेस पोर्टेटमार्फत उतारिएको छ । एलिश कार्की र प्रमोद निर्वानको संगीत रहेको गीतमा शैलेन्द्र एम प्रधानले म्युजिक एरेन्ज गरेका छन् ।
