सप्तरीमा खाँडो नदीको बाढी बस्तीमा पस्दा ३० घर डुब्यो

काठमाडौं । सप्तरीको रुपनी गाउँपालिकास्थित खाँडो नदीको बाढी बस्तीमा पसेको छ । खाँडो नदीको बाढी तटबन्धमाथिबाट बस्तीमा पस्दा रुपनी–१ का करिब ३० घर डुबानमा परेका छन् ।

सप्तरीका प्रमुख जिल्ला अधिकारी मेखबहादुर मंग्रातीका अनुसार कञ्चनरूप नगरपालिका वडा नं. ३ र ११ तथा तिरुहुत गाउँपालिका वडा नं. १ र २ मा समेत बाढी पसेको छ भने राजविराजका घरहरूमा पनि पानी पसेको छ ।

बाढी र डुबानको क्षतिबारे तथ्याङ्क सङ्कलनको काम तथा पीडितको उद्धारका लागि सशस्त्र प्रहरी परिचालन गरिएको छ ।