काठमाडौं । जर्मनी जारी युरो २०२४ को क्वार्टरफाइनलमा प्रवेश गरेको छ । शनिबार राति भएको अन्तिम १६ मा डेनमार्कलाई २–० ले पराजित गर्दै आयोजक जर्मनी क्वार्टरफाइनलमा प्रवेश गरेको हो । युरो कपको पूर्वविजेतासमेत रहेको जर्मनीलाई अन्तिम ८ सम्म पु¥याउन केइ हार्भाटेज र जमाल मुसेएलाले समान १/१ गोलको योगदान गरे ।
जर्मनीले पहिलो गोल पेनाल्टीमार्फत गरेको थियो । जर्मनीका डेभिड रौमले प्रहार गरेको बल डेनमार्कका जाओचिम एन्डरसनको हातमा लागेपछि पेनाल्टी मौका पाएको थियो । सोही मौकाको सदुपयोग गर्दै हार्भाटेजले गोल गरेका हुन् । जमाल मुसेएलाले दोस्रो गोल गर्दै अग्रता दोब्बर बनाएका थिए ।
अपराजित रहेका दुवै टिमलाई पहिलो हाफ प्रतिस्पर्धापूर्ण बनेको थियो । दुवै टिमलाई अग्रता गोल लिनै हम्मे पर्दा पहिलो हाफ गोलरहित बराबरीमा टुंगिएको थियो । तर, दोस्रो हाफपछि आफूलाई सम्हालेर मैदानमा उत्रिएको जर्मनीले गोलमात्रै गरेन । जित आफ्नो पोल्टामा पार्न पनि सफल रह्यो ।
