काठमाडौं । अविरल वर्षाका कारण त्रिभुवन अन्तर्राष्ट्रिय विमानस्थलबाट हवाई उडान प्रभावित भएकाे छ । विमानस्थलका अनुसार निरन्तरको वर्षाले भिजिबिलिटी कम भएपछि हवाई उडानहरु प्रभावित भएको हो ।
त्रिभुवन अन्तर्राष्ट्रिय विमानस्थलबाट आन्तरिक तर्फको उडान डिले भइरहेको विमानस्थलले जनाएको छ । अन्तर्राष्ट्रिय उडान भने नियमित रहेको त्रिभुवन विमानस्थलका प्रवक्ता सुवास झाले बताए ।
उनका अनुसार अन्तर्राष्ट्रियतर्फ सबै सामान्य रहेको छ । ठूलो पानी परेको बेला उडान केही ढिला हुन सक्ने भएपनि अहिलेसम्म सामान्य नै रहेको उनले बताए । आन्तरिकतर्फ भने उडान डिले भइरहेको उनले बताए । जल तथा मौसम विज्ञान विभागका अनुसार आज देशभर वर्षा भइरहेको छ ।
