काठमाडौं । फ्रान्सका युवा फुटबलर केलियन एम्बाप्पेले स्पेनी क्लब रियल मड्रिडसँग ५ वर्षको सम्झौता गरेका छन् । क्लबका अध्यक्ष फ्लोरेन्तिनो पेरेज र फ्रान्सेली स्ट्राइकर एम्बाप्पेले आजसम्झौता हस्ताक्षर गरेका हुन् ।
सम्झौताअघि एम्बाप्पेको मेडिकल जाँच भएको थियो । मेडिकल जाँच पास भएपछि उनलाई ८० हजार जना दर्शकको अघि मड्रिडको सान्टियागो बर्नबेउ स्टेडियममा उपस्थित गराइएको थियो । उनले ९ नम्बरको जर्सी लगाउनेछन् । एम्बाप्पेले रियल मड्रिडका पूर्वखेलाडी क्रिस्टियानो रोनाल्डोले जस्तै सुविधा पाउनेछन् ।
यसअघि फ्रान्सेली क्लब पेरिस सेन्ट जर्मेइन ९पीएसजी० मा रहेका एम्बाप्पेले टोलीका लागि सबैभन्दा धेरै २ सय ५६ गोल गरेका छन् ।
एम्बाप्पेले सन् २०२९ सम्म रियल मड्रिडमा रहँदा हरेक सिजन १५ मिलियन युरो पाउनेछन् । यस्तै ५ वर्षे सम्झौता अवधिमा १ सय ५० मिलियन बोनसका साथै तस्बिरको कपिराइट बापतको रकम पनि उनले पाउनेछन् ।
